Í síðustu viku lagði bærinn malbikaðan gangstíg frá Höfða, annars vegar inn á Höfðagrund og hins vegar til að tengjast hinum skemmtilega gangstíg sem liggur meðfram Langasandi. Þessi stígur gerir mun fleirum kleyft að njóta útiveru og umhverfi við Langasand og víðar.
Mikil ánægja er með þessa framkvæmd og nú eru reglulegar gönguferðir á hverjum morgni kl. 11,15. Mikil þáttaka er í þessum gönguferðum.
Kór Gerðubergs hélt söngskemmtun á Höfða í dag. Unnur Eyfells og Árni Ísleifs léku undir á píanó og stjórnuðu jafnframt kórnum í veikindaforföllum Kára Friðrikssonar. Þá lék Þorgrímur Kristleifs á munnhörpu.
Íbúar Höfða troðfylltu samkomusalinn og þökkuðu þessum góðu gestum með kröftugu lófataki. Að lokum þáðu gestirnir veitingar í boði Höfða.
Fimm nýir íbúar hafa flutt á Höfða að á síðustu tveimur vikum. Þeir eru:
Jón Einarsson
Jón Eyjólfsson
Svava Gunnarsdóttir
Þorgerður Bergsdóttir
Steinunn Jónsdóttir
Þau eru boðin velkomin á Höfða
Í síðasta mánuðu fór Marianne Ellingsen starfmaður í færniþjálfun á námskeið í meðhöndlun á silfurleir.
Nú er starfsemin hafin og vekur mikla ánægju hjá þátttakendum eins og sjá má á meðfylgjandi mynd þar sem þær Anna Erlendsdóttir, Steinunn Hafliðadóttir og Rósa Sigurðardóttir fást við skartgripagerð.
Frambjóðendur Vinstri hreyfingarinnar græns framboðs heimsóttu Höfða í gær. Ingibjörg Inga Guðmundsdóttir, Björg Gunnarsdóttir og Rún Halldórsdóttir ræddu við íbúa og starfsmenn og kynntu stefnumál flokksins í komandi alþingiskosningum.
Frambjóðendur Sjálfstæðisflokksins heimsóttu Höfða í dag. Einar Kristinn Guðfinnsson og Herdís Þórðardóttir kynntu sér rekstur Höfða, ræddu við íbúa og starfsmenn og kynntu stefnumál Sjálfstæðisflokksins í þingkosningunum 12.maí n.k.
Félagar í Hestamannafélaginu Dreyra komu í árlega heimsókn sína á sumardaginn fyrsta og færðu heimilisfólki blóm. Sigurður Halldórsson tók við blómunum fyrir hönd heimamanna.
Bjarni Þór Ólafsson bryti hefur fengið leyfi frá störfum í 8 mánuði.
Svandís Stefánsdóttir verður forstöðumaður mötuneytis á meðan.
Í gær heimsóttu frambjóðendur Frjálslynda flokksins Höfða.
Guðjón A.Kristjánsson, Kristinn H.Gunnarsson og Ragnheiður Ólafsdóttir ræddu við íbúa og starfsmenn og kynntu stefnu flokksins í þingkosningunum 12.maí n.k.
Í gær vígði biskup Íslands Ragnheiði Guðmundsdóttur djákna við hátíðlega athöfn í Dómkirkjunni. Sr. Eðvarð Ingólfsson var meðal vígsluvotta ásamt Þorbirni Hlyn Árnasyni prófasti.
Fjöldi starfsmanna Höfða var viðstaddur athöfnina, en að henni lokinni bauð Ragnheiður öllum heim þar sem hún bauð upp á glæsilegar veitingar. Þar var samankominn mikill fjöldi samstarfsmanna, vina, ættingja og sveitunga Ragnheiðar til að samfagna henni.
Ragnheiður verður síðan sett inn í embætti við guðsþjónustu á Höfða 11.mars n.k. og hefur störf sem djákni á Höfða í framhaldi af því.
