Starfsaldursviðurkenningar

 

 

Í dag fengu eftirtaldir 10 starfsmenn Höfða starfsaldursviðurkenningar:

 

Fyrir 5 ára starf: Jóhanna Gylfadóttir og Ólöf Elfa Smáradóttir.

 

Fyrir 10 ára starf: Guðmunda Maríasdóttir, Guðbjörg Halldórsdóttir, Hildur Bernódusdóttir, Maggi G.Ingólfsson, María Kristinsdóttir og Sigrún Valgarðsdóttir.

 

Fyrir 15 ára starf: Gréta Jóhannesdóttir og Sólveig Kristinsdóttir.

 

Framkvæmdastjóri sagði að starfsfólkið væri helsti styrkleiki Höfða og að stjórn Höfða vildi með þessum viðurkenningum þakka þessum góðu starfsmönnum tryggð þeirra við Höfða og íbúa heimilisins.

 

Á myndina vantar Guðmundu og Maríu sem eru í sumarleyfi.

Skemmtileg heimsókn

 

 

Á Vordögum í Grundaskóla komu nemendur á ýmsum aldri í heimsókn og spiluðu við íbúa Höfða öllum til mikillar ánægju.

Vel heppnaður vormarkaður

Í gær var haldinn vormarkaður á Höfða. Þar var meðal annars í boði úrval af sultum, kæfu, brauði, kleinum, garðplöntum, fötum og fleiru sem starfsmenn seldu til fjáröflunar fyrir væntanlega Þýskalandsferð.

 

Nokkrir íbúar vor með stórskemmtilega sölubása þar sem meðal annars var boðið upp á falleg gjafakort, veiðiflugur, skartgripi og handunna steina, allt unnið af seljendum.

 

Spákona var á staðnum og var biðröð hjá henni allan opnunartímann. Einnig var boðið upp á orkujöfnun og margt fleira.  Elísabet sjúkraþjálfari var með málverkasýningu og seldi hátt í 30 myndir.

 

Í nýja matsalnum var boðið upp á kaffi og vöfflur og djús fyrir börnin. Þar var troðfullt allan tímann, en mörg hundruð manns sóttu þennan vel heppnaða vormarkað.

 

 

 

 

 

 

 

Vormarkaður Höfða

Sunnudaginn 22.maí ætla íbúar og starfsfólk Höfða að halda vormarkað mill kl. 14 og 17.

Margt verður í boði:

Flóamarkaður þar sem hægt verður að gera góð kaup.Sölubásar með ýmiskonar góðgæti, bakstri og handverki

Garðplöntusala, myndlistarsýning, OPJ orkupunktajöfnun o.fl.

Kaffihúsastemming, þar sem hægt verður að kaupa kaffi og vöfflur.

Ath. Ekki er tekið á móti greiðslukortum !

Náttúrutónleikar

 

 

Í gær héldu Rannveig Káradóttir sópransöngkona og Birna Hallgrímsdóttir píanóleikari tónleika í Höfðasal. Tónleikana nefndu þær Náttúran, en hvert lag á efnisskránni var tileinkað ákveðnum hlut eða fyrirbæri sem finnst í eða tengist íslenskri náttúru.

 

Tónleikarnir voru vel sóttir og undirtektir góðar.

Tónleikar Klarinettukvartetts

 

 

Klarinettukvartett frá Tónlistarskóla Akraness hélt tónleika í Höfðasal í gær. Kvartettinn skipa Bjarney Guðbjörnsdóttir, Berglind Ósk Jóhannesdóttir, Bergþóra Sveinsdóttir og Sonja Bjarnadóttir. Stjórnandi er Halldór Sighvatsson.

 

Höfðafólk fjölmennti á tónleikana og þakkaði flytendum með lófataki.

Borgnesingar heimsækja Höfða

 

 

Starfsmenn Dvalarheimilis aldraðra í Borgarnesi heimsóttu Höfða í dag. Þeir skoðuðu heimilið í fylgd Margrétar A.Guðmundsdóttur og Eddu Guðmundsdóttur. Að því loknu var sest yfir kaffibolla í Höfðasal þar sem Guðjón Guðmundsson og Helga Atladóttir sögðu frá starfsemi Höfða og framkvæmdum.

 

framkvæmdastjóri DAB þakkaði fyrir hönd gestanna fyrir móttökurnar. Að heimsókn lokinni héldu þessi góðu gestir upp í Hvalfjarðarsveit þar sem þeirra beið dagskrá fram eftir kvöldi.

Gissur Páll syngur á Höfða

 

 

Í dag söng stórtenórinn Gissur Páll Gissurarson í Höfðasalnum við undirleik Sveins Arnars Sæmundssonar. Gissur Páll söng góðu gömlu íslensku lögin og endaði á Hamraborginni sem alltaf slær í gegn. Hann tók síðan aukalög eftir kröftugt uppklapp Höfðafólks sem fjölmennti og sjaldan hefur verið klappað meira á Höfða.

Tónleikar Grundartangakórsins

 

 

 

 

Grundartangakórinn hélt tónleika á Höfða 1.maí. Stjórnandi kórsins er Atli Guðlaugsson og einsöngvarar Bjarni Atlason og Guðlaugur Atlason. Undirleik annaðist Flosi Einarsson.

 

 

Söngurinn gerði stormandi lukku hjá Höfðafólki sem fjölmennti og skemmti sér konunglega.