Tilboð opnuð

Í morgun voru opnuð tilboð í byggingu 9 rýma hjúkrunardeildar. 4 aðilar buðu í verkið:

 

Eykt hf.                                          186.312.862    frávikstilboð    175.368.982

VHE ehf.                                         144.532.615   

Sveinbjörn Sigurðsson hf.                189.020.000    frávikstilboð    235.000.000

Sjammi ehf.                                    181.361.959

 

Kostnaðaráætlun hönnuðar var 204.000.000.

 

Tilboðin verða nú yfirfarin og stefnt að afgreiðslu málsin í stjórn Höfða í næstu viku.

Aðalfundur Höfða 2011

 

 

Aðalfundur Höfða var haldinn í gær. Kristján Sveinsson formaður flutti skýrslu stjórnar og Jóhann Þórðarson endurskoðandi fór yfir ársreikning 2010. Rekstrarafkoma var góð og fjárhagur Höfða traustur.

 

Árni Múli Jónasson bæjarstjóri og Ása Helgadóttir sveitarstjórnarmaður í Hvalfjarðarsveit fluttu ávörp og lýstu ánægju með starfsemi Höfða. Guðjón Guðmundsson framkvæmdastjóri gerði grein fyrir stöðu framkvæmda og nokkrum þáttum í rekstri Höfða.

 

Fundarstjóri var Kjartan Kjartansson og fundarritari Margrét Magnúsdóttir.

Vinnuskólinn aðstoðar við gönguferðir

 

 

Eftir að sumarið kom hefur verið mikil þátttaka í gönguferðum um hið fagra umhverfi Höfða og niður með Langasandi.

 

Eins og undanfarin sumur var leitað til vinnuskólans og óskað eftir aðstoð þaðan og tók Einar Skúlason forstöðumaður skólans þeirra málaleitan ljúflega og útvegaði 4 stúlkur sem mæta á hverjum morgni og aðstoða við göngutúrana.

 

Mikil ánægja er með þátttöku þessara góðu stúlkna sem án efa hafa gott af að kynnast elstu kynslóðinni.

Söngskemmtun

Í dag hélt Stefán Helgi Stefánsson söngskemmtun í Höfðasal. Hann söng góðu gömlu lögin sem allir kunna og tóku íbúar undir í nokkrum laganna.

 

Þessi söngskemmtun var í boði Oddfellowreglunnar á Akranesi, en Stefán Helgi mun syngja þrisvar í þeirra boði á Höfða og dvalarheimilinu í Borgarnesi á næstu mánuðum.

 

Margrét A.Guðmundsdóttir þakkaði Stefáni Helga frábæran söng og Oddfellowreglunni þetta góða boð.

Hjólað í vinnuna

27 starfsmenn Höfða tóku þátt í átaki ÍSÍ hjólað í vinnuna. Keppendum var skipt í 3 lið og hjólaði sigurliðið samtals 448 km. en liðið skipuðu Ásta Arngrímsdóttir, Birna Júlíusdóttir, Fanney Reynisdóttir, Guðmundína Hallgrímsdóttir, Guðný Aðalgeirsdóttir, Guðrún Björnsdóttir, Hildur Bernódusdóttir, Inga Lilja Guðjónsdóttir og Unnur Guðmundsdóttir.

 

Lið Höfða lenti í 29.sæti af 90 í hópi fyrirtækja með 70-140 starfsmenn.

Kór eldri borgara syngur á Höfða

 

Í gær hélt Hljómur, kór eldri borgara, söngskemmtun í Höfðasal. Stjórnandi kórsins er Katrín Valdís Hjartardóttir og meðleikari Sveinn Arnar Sæmundsson.

 

Mikil aðsókn var að þessari söngskemmtun og undirtektir góðar.