Mikið fjör var á Höfða í lok síðustu viku. Á föstudaginn var ball með Bjórbandinu. Þar var mikið stuð og mikið dansað. Þetta er annað ballið með Bjórbandinu á skömmum tíma, en hljómsveitin spilar músík sem fellur íbúum Höfða vel.
Á laugardag heimsótti svo KK (Kristján Kristjánsson) Höfða og spilaði á gítar, söng og sagði gamansögur. Íbúar og starfsmenn troðfylltu samkomusalinn og höfðu mikla ánægju af heimsókn þessa góða gests. Þess má geta að tengdamóðir KK, Rannveig Hálfdánardóttir, er íbúi á Höfða.
Frá hægri: Hörður Jónsson, Gylfi Þórðarson, Guðrún Kjartansdóttir, Marta Ásgeirsdóttir, Ingibjörg Rósa Aðalsteinsdóttir, Sigurlaug Garðarsdóttir, Ragnheiður Björnsdóttir, Þórey Einarsdóttir og Lára Arnfinnsdóttir.
Í gær hófst gleðivika á Höfða og stendur hún til 25.nóvember. Þema vikunnar er bleiki liturinn. Starfsmenn klæðast og punta sig með bleiku. Bleiki liturinn er auk þess hafður til skrauts víðs vegar í húsinu. Meira að segja maturinn í gær var bleikur (soðinn lax).
Guðný Aðalgeirsdóttir.
Bleikt og meira bleikt.
Frá vinstri: María Kristinsdóttir, Unnur Guðmundsdóttir og Margrét A.Guðmundsdóttir.
Í tilefni Vökudaga á Akranesi var opnuð sýning á handverki og list starfsmanna, íbúa og dagdeildarfólks á Höfða s.l. föstudag.
Við opnunina söng nýstofnaður kór starfsmanna Höfða nokkur lög undir stjórn Heiðrúnar Hámundardóttur. Gunnþórunn Valsdóttir og Bjarney Guðbjörnsdóttir léku undir á hljóðfæri.
<pMjög margir lögðu leið sína á sýninguna sem stóð alla helgina og við opnunina var troðfullt af fólki sem skoðaði það sem til sýnis var af miklum áhuga og klappaði kórnum lof í lófa fyrir góðan flutning.
Segja má að þessi sýning hafi slegið í gegn, enda fjölbreytt handverk og listmunir til sýnis sem vöktu óskipta athygli sýningargesta. Nokkrir íbúa Höfða voru með sölubása og seldu vel af handverki sínu.
Bjarney Guðbjörnsdóttir. Lengst til hægri er Gunnar Sigurðsson.
Til hægri er Jón Einarsson. Í fremstu röð frá hægri sjást Ragnheiður Guðbjartsdóttir, Guðrún Vilhjálmsdóttir, Kristinn Finnsson og Kristín Alfreðsdóttir. Við vegginn standa Fanney Reynisdóttir og Sigurbjörg Ragnarsdóttir.
Frá hægri: Maggi G.Ingólfsson og Baldur Magnússon.
Gunnþórunn Valsdóttir. Frá hægri standa: Sigurbjörg Ragnarsdóttir, Fanney Reynisdóttir og Gunnar Sigurðsson og Gunnar Sigurðsson.