Hertar heimsóknarreglur frá 25.3.2021

Skjótt skipast veður í lofti og eins og allir hafa orðið varir við. Í ljósi allra þessara nýju smita tengt breska afbrigðinu af Covid þá verðum við að herða á heimsóknartakmörkunum.  Nýjar takmarkanir gilda a.m.k. næstu þrjár vikur.

Að gefnu tilefni viljum við minna aðstandendur á að halda sig heima finni þeir fyrir minnstu einkennum sem gætu bent til COVID-19 smits og fara í sýnatöku. Að sjálfsögðu skal halda sig heima ef þið eruð í sóttkví eða einangrun.

Heimsóknartakmarkanir eru eftirfarandi og breytingar eru feitletraðar:

  • Heimilið verður opið fyrir heimsóknir á milli 13:00-17:00 alla daga vikunnar.
  • Einungis tveir gestir mega koma í heimsókn í einu.
  • Börnum yngri en 18 ára er ekki heimilt að koma í heimsókn.
  • Ekki verður um að ræða tímamörk á heimsóknum innan heimsóknartímans.
  • Heimsóknir fara fram í vistarverum íbúa, ekki má staldra við í sameiginlegum rýmum heimilisins.
  • Allir gestir þurfa að koma með andlitsgrímu (maska).
  • Gestir skulu virða 2 metra regluna gagnvart öðrum íbúum og starfsfólki.
  • Íbúum er heimilt að fara í bíltúr og í heimsókn til ættingja.  Það eru vinsamleg tilmæli að halda fjölda annarra gesta í slíkri heimsókn í lágmarki.
  • Þjónustuþegar í dagdvöl og heimilisfólk má hittast.
  • Þjónusta við aðra en íbúa Höfða og þjónustuþega dagdvalar verður ekki heimil í sjúkraþjálfun, hárgreiðslu og fótsnyrtingu.
  • Kostgangarar geta komið í hádegismat á Höfða í gegnum aðalinngang.

Sem fyrr er mikilvægt að hafa í huga að gestir mega ekki koma í heimsókn ef þeir:

  • eru í sóttkví.
  • eru í einangrun (einnig meðan beðið er niðurstöðu úr sýnatöku).
  • hafa dvalið erlendis og ekki eru liðnir 14 dagar frá heimkomu.
  • hafa verið í einangrun vegna COVID-19 smits og ekki eru liðnir 14 dagar frá útskrift
  • eru með einkenni (kvef, hósta, hita, höfuðverk, beinverki, þreytu, kviðverki, niðurgang o.fl.).

Kærar páskakveðjur til ykkar allra,

Kjartan Kjartansson framkvæmdastjóri

Ólína Ingibjörg Gunnarsdóttir hjúkrunarforstjóri

Uppfærðar heimsóknarreglur frá 15.3.2021

Núverandi íbúar Höfða hafa verið full bólusettir gegn COVID-19 ásamt þjónustuþegum í dagdvöl og starfsmenn hafa fengið fyrri bólusetningu og því tímabært að rýmka ennfrekar þær takmarkanir sem hafa verið á heimsóknum hjá okkur.

Við þurfum þó áfram að fara varlega og gæta hvers annars.

Frá og með 15. mars gildir eftirfarandi:

  • Heimilið verður opið fyrir heimsóknir á milli 13:00-20:00 alla daga vikunnar.
  • Hámarksfjöldi gesta í einu eru 4 einstaklingar.
  • Ekki verður um að ræða tímamörk á heimsóknum innan heimsóknartímans.
  • Heimsóknir fara fram í vistarverum íbúa, ekki má staldra við í sameiginlegum rýmum heimilisins.
  • Allir gestir þurfa að koma með andlitsgrímu (maska).
  • Gestir skulu virða 2 metra regluna gagnvart öðrum íbúum og starfsfólki.
  • Íbúum er heimilt að fara í bíltúr og í heimsókn til ættingja.  Það eru vinsamleg tilmæli að halda fjölda annarra gesta í slíkri heimsókn í lágmarki.
  • Þjónustuþegar í dagdvöl og heimilisfólk má hittast.
  • Öll hólfaskipting íbúa, þjónustuþega dagdvalar og starfsmanna fellur niður.
  • Iðjuþjálfun, sjúkraþjálfun og önnur þjálfun fer í fyrra horf hjá íbúum og dagdvalarþegum Höfða.
  • Þjónusta við aðra en íbúa Höfða og þjónustuþega dagdvalar verður heimil í sjúkraþjálfun, hárgreiðslu og fótsnyrtingu með aðskilnaði frá íbúum heimilisins.
  • Kostgangarar geta komið í hádegismat á Höfða í gegnum aðalinngang.

Sem fyrr er mikilvægt að hafa í huga að gestir mega ekki koma í heimsókn ef þeir:

  • eru í sóttkví.
  • eru í einangrun (einnig meðan beðið er niðurstöðu úr sýnatöku).
  • hafa dvalið erlendis og ekki eru liðnir 14 dagar frá heimkomu.
  • hafa verið í einangrun vegna COVID-19 smits og ekki eru liðnir 14 dagar frá útskrift
  • eru með einkenni (kvef, hósta, hita, höfuðverk, beinverki, þreytu, kviðverki, niðurgang o.fl.).

Við bjóðum gesti velkomna og hlökkum til að opna heimilið að nýju en biðjum þá um leið að virða þær fáu takmarkanir sem eftir eru.

Kær kveðja,

Kjartan Kjartansson framkvæmdastjóri

Ólína Ingibjörg Gunnarsdóttir hjúkrunarforstjóri

Sigurlín Gunnarsdóttir húsmóðir