Laugardaginn 25.maí verður hinn sívinsæli vormarkaður á Höfða kl. 14,00-16,30. Þar munu starfsmenn bjóða upp á mikið úrval af sultum, kæfum, brauði, kleinum, garðplöntum, fötum o.fl. Einnig verður boðið upp á svæðanudd.
Þá verða nokkrir íbúar með sölubása þar sem meðal annars verður boðið upp á falleg gjafakort, skartgripi og handavinnu, allt unnið af seljendum.
Í gær heimsótti Höfða hópur ungra nemenda Tónlistarskólans á Akranesi. Þetta voru nemar í fiðluleik, píanóleik og söng sem fluttu 17 tónlistaratriði. Með þeim voru kennarar þeirra Guðbjörg Leifsdóttir, Kristín Þóra Haraldsdóttir og Steinunn Árnadóttir.
Mikil aðsókn var að þessum tónleikum og hafði Höfðafólk mikla ánægju af tónlistarflutningi krakkanna.
Á fundi stjórnar Höfða í gær var samþykkt að ráða Kjartan Kjartansson rekstrarfræðing í starf framkvæmdastjóra Höfða.
Kjartan sem er starfsmaður PricewaterhouseCoupers tekur væntanlega við starfinu um næstu mánaðmót.
19 hjúkrunarfræðingar komu í heimsókn á Höfða s.l. laugardag í fylgd hollsystur sinnar Ingibjargar Pálmadóttur. Helga Atladóttir hjúkrunarforstjóri tók á móti þeim, sýndi þeim heimilið og sagði frá starfsemi Höfða. Að heimsókninni lokinni héldu þær áfram í skemmtiferð sinni um Akranes.
Um síðustu helgi lauk framkvæmdum við endurnýjun gamla hjúkrunargangsins. Öllum tvíbýlum var breytt í einbýli og húsnæðið tekið í gegn hátt og lágt. Allir eru sammála um að mjög vel hafi til tekist; skemmtilegar íbúðir, fallegt og bjart samrými, góð vinnuaðstaða og frábært útsýni.
Verktaki var Alefli í Mosfellsbæ og hönnuður Magnús H.Ólafsson. Flutt var í íbúðirnar í byrjun þessarar viku. Þar með næst það langþráða takmark að allir íbúar Höfða búa í einbýli að undanskildum 5 hjónum.
Nú er lokið þeim umfangsmiklu framkvæmdum sem staðið hafa yfir s.l. 3 ár. Þjónusturými voru stækkuð, eldhús stækkað og búið nýjum tækjum, ný hjúkrunarálma byggð og gamla hjúkrunardeildin endurnýjuð. Óhætt er að fullyrða að Höfði sé eitt allra glæsilegasta hjúkrunar- og dvalarheimili landsins eftir þessar framkvæmdir.
Árni Johnsen skemmti íbúum og dagdeildarfólki í Höfðasal í dag. Árni söng og sagði sögur eins og honum einum er lagið. Hann kallaði Freystein Jóhannsson upp og sungu þeir saman síðustu lögin. Mikil aðsókn var að þessari skemmtun og undirtektir góðar.
Grundartangakórinn hélt sína árlegu vortónleika á Höfða s.l. þriðjudag. Stjórnandi kórsins er Atli Guðlaugsson og einsöngvarar Smári Vífilsson, Bjarni Atlason og Guðlaugur Atlason.
Tónleikarnir voru mjög vel sóttir og undirtektir góðar. Kórinn hefur sýnt íbúum Höfða einstaka ræktarsemi en þetta mun vera 30.árið sem kórinn syngur á Höfða og undanfarin ár tvisvar á ári.
Myndirnar tók Helgi Daníelsson.
Karlakórinn Svanir, sem nú hefur verið endurvakinn eftir áratuga hlé, hélt sína fyrstu söngskemmtun á Höfða á sumardaginn fyrsta. Söngstjórar eru Sigríður Elliðadóttir og Páll Helgason sem jafnframt er undirleikari.
Höfðasalurinn var troðfullur, en yfir 100 manns sóttu þessa söngskemmtun og skemmtu sér konunglega.
Myndirnar tók Guðni Hannesson.
Í dag komu frambjóðendur í 1.og 2.sæti á lista Dögunar, þau Guðrún Dadda Ásmundsdóttir og Guðjón Arnar Kristjánsson, og kynntu stefnumál Dögunar fyrir Höfðafólki.
Í morgun heimsóttu Höfða Elsa Lára Arnardóttir sem skipar 3.sæti á lista Framsóknarflokksins og Siv Friðleifsdóttir alþingismaður.
