Sigursteinn Árnason frá Sólmundarhöfða færði Höfða að gjöf sex milljónir króna í gær. Sigursteinn, sem er 94 ára gamall, hefur búið á Höfða s.l. hálft annað ár, en áður átti hann heimili sitt á Sólmundarhöfða frá barnæsku.

Dvalarheimilið Höfði stendur sem kunnugt er á lóð Sólmundarhöfða og dregur nafn sitt af höfðanum.

Stjórn Höfða færir Sigursteini kærar þakkir fyrir þessa höfðinglegu gjöf.