Í dag hófust Írskir dagar á Akranesi og stendur hátíðin í 3 daga. Íbúar Höfða og dagdeildarfólk héldu upp á þetta með samkomu um miðjan daginn. Boðið var upp á léttar veitingar, Adda las upp gamlar fréttir frá Oddi og ljóð eftir Kjartan Guðmundsson. 4 stúlkur úr þjóðlagasveitinni léku Írsk lög á fiðlu, en þær starfa allar á Höfða í sumar. Þetta eru þær Kristín Sigurjónsdóttir, Gunnþórunn Valsdóttir, Harpa Gylfadóttir og Kristín Ragnarsdóttir. Að lokum tóku svo allir lagið og sungu nokkur gömul og góð lög.
Vegna framkvæmda við Höfða er samkomusalurinn lokaður og var samkoman því á gangi 1.hæðar og var mjög vel sótt. Sannaðist þar hið fornkveðna að þröngt mega sáttir sitja.
Fiðluleikarar frá vinstri: Harpa Gylfadóttir, Gunnþórunn Valsdóttir, Kristín Ragnarsdóttir og Kristín Sigurjónsdóttir.
Frá vinstri: Sigríður Jensdóttir, Júlíana Guðmundsdóttir, Sigurður Halldórsson, Guðrún Ólafsdóttir, Björn Gústafsson, Lára Arnfinnsdóttir, Tómas Sigurðsson, Kristján Pálsson, Guðrún Þórunn Árnadóttir og Jóhannes Páll Halldórsson.
Fremst sitja frá vinstri: Guðrún Þórunn Árnadóttir, Sigurbjörg Oddsdóttir og Bjarney Hagalínsdóttir. Aftar frá vinstri: Kristján Pálsson, Jóhannes Páll Halldórsson, Erla Óskarsdóttir, Páll Indriðason, Sveinn Jónsson, Ólafur Þórðarson og Lilja Pétursdóttir.
