Í góða veðrinu að undanförnu hefur verið mikil þátttaka í gönguferðum um hið fagra umhverfi Höfði og niður með Langasandi.
Leitað var til vinnuskóla bæjarins og óskað eftir aðstoð þaðan. Einar Skúlason forstöðumaður skólans tók þessari málaleitan ljúflega og útvegaði 4 stúlkur sem mæta á hverjum morgni og aðstoða við göngutúrana.
Mikil ánægja er með þátttöku þessara dugnaðarstúlkna sem án efa hafa gott af að kynnast gamla fólkinu.
Bæjarstjórn Akraness samþykkti á fundi sínum í fyrradag að leggja til 10 milljónir króna úr bæjarsjóði til að hefja viðbyggingu húsnæðis til fjölgunar einbýlum á Höfða. Bæjarstjórn gerir ráð fyrir framlagi Hvalfjarðarsveitar til viðbótar í samræmi við eignaraðild.
Í lok maí luku 8 starfsstúlkur á Höfða námi sem félagsliðar, en námið hafa þær stundað af miklum krafti samhliða vinnu í 4 annir.
Þær sem útskrifuðust voru: Erna Kristjánsdóttir, Guðmunda Hallgrímsdóttir, Guðmunda Maríasdóttir, Helga Jónsdóttir, Hjördís Guðmundsdóttir, Katrín Björk Baldvinsdóttir, Sonja Hansen og Steina Ósk Gísladóttir.
Þessum dugnaðarkonum eru færðar bestu hamingjuóskir.
