Í gær vígði biskup Íslands Ragnheiði Guðmundsdóttur djákna við hátíðlega athöfn í Dómkirkjunni. Sr. Eðvarð Ingólfsson var meðal vígsluvotta ásamt Þorbirni Hlyn Árnasyni prófasti.

Fjöldi starfsmanna Höfða var viðstaddur athöfnina, en að henni lokinni bauð Ragnheiður öllum heim þar sem hún bauð upp á glæsilegar veitingar. Þar var samankominn mikill fjöldi samstarfsmanna, vina, ættingja og sveitunga Ragnheiðar til að samfagna henni.

Ragnheiður verður síðan sett inn í embætti við guðsþjónustu á Höfða 11.mars n.k. og hefur störf sem djákni á Höfða í framhaldi af því.

Hin árlega Höfðagleði var haldin í kvöld. Á Höfðagleði mæta íbúar, starfsmenn, fyrrverandi starfsmenn, læknar og stjórn Höfða, alls 170 manns. Margrét A.Guðmundsdóttir setti skemmtunina og stjórnaði henni. Borin var fram þríréttuð veislumáltíð sem samanstóð af sjávarréttasúpu, lambafille og desert. Var almenn ánægja með þennan frábæra mat sem Bjarni bryti og hans fólk reiddi fram.

Undir borðum stjórnaði Hallgrímur Árnason fjöldasöng, dregið var í happdrætti þar sem íbúar og starfsmenn fengu glæsilega vinninga í boði Einars Ólafssonar kaupmanns.

Guðjón Guðmundsson og Margrét A.Guðmundsdóttir fóru með gamanmál, leynigestur kom fram og spurðu Sigurður Halldórsson og Sjöfn Jóhannesdóttir hann spjörunum úr og fundu að lokum út hver hann var ; Ásmundur Ólafsson fyrrverandi framkvæmdastjóri Höfða. Sigursteinn Hákonarson söng nokkur lög við undirleik Sveins Arnars Sæmundssonar og endaði að sjálfsögðu á Angeliu eftir kröftugt uppklapp. Ásmundur Ólafsson rifjaði upp ferð starfsmanna til Edinborgar og fór með þjóðsöng Kolbeinseyjar sem Höfðafólk hafði sungið fyrir Skotana. Elton John kom í heimsókn, leikinn af Elísabetu Ragnarsdóttur, með aðstoð nýútskrifaðra lífvarða úr lífvarðaskóla ríkisins, Baldurs Magnússonar og Magga G.Ingólfssonar.

Að lokum var dansað til miðnættis við undirleik, Jóns Heiðars Magnússonar, Geirs Guðlaugssonar og Sirrýjar Indriðadóttur.

Mikil ánægja var með veitingar, skemmtiatriði og músík og tókst Höfðagleðin því í alla staði mjög vel.

Í gær hélt Sigríður Lóa Rúnarsdóttir, hjúkrunarfræðingur, forstöðumaður Fríðuhúss erindi á Höfða um gildi sérhæfðrar dagþjálfunar fyrir einstaklinga með heilabilun.

Fjölmargir starfsmenn Höfða hlýddu á erindi Sigríðar Lóu sem var sérlega áhugavert og vel fram sett.

Kaffihúsakvöld var haldið á Höfði í gær frá kl. 20-22. Aðsókn var mjög góð og létt yfir fólki.

Ingibjörg, María og Adda afhentu verðlaun fyrir Boccia mótið. Guðjón þakkaði þeim fyrir undirbúning og framkvæmd mótsins sem tókst í alla staði mjög vel.

Fiðlusveit tónlistarskólans lék undirstjórn Ragnars Skúlasonar. Mikil ánægja var með þetta skemmtiatriði. Guðjón og Adda fóru með kveðskap og gamanmál og Einar Þóroddsson fór með kveðskap sem orðið hafði til í skógræktarferð í hans sveit.

Þetta kaffihúsakvöld tókst í alla staði mjög vel.