Íbúar, starfsmenn og stjórn Höfða senda lesendum heimasíðunnar bestu kveðjur og óskir um gott og farsælt komandi ár.

[vc_row][vc_column][vc_column_text]Í gær var haldið hið árlega jólaball á Höfða fyrir íbúa, starfsmenn og afkomendur. Höfðasalurinn var fullur af gestum, sá yngsti eins árs, sá elsti á tíunda áratugnum, og skemmtu sér allir konunglega.

Tveir jólasveinar komu í heimsókn og færðu börnunum poka með góðgæti. Bjórbandið spilaði gömlu góðu jólalögin og gestirnir dönsuðu kringum jólatréð.

Að balli loknu þáðu gestir veitingar í boði Höfða.

[/vc_column_text][/vc_column][/vc_row]

 Nú um hádegisbilið var Ragnheiður Guðmundsdóttir djákni með helgistund í Höfðasal þar sem börn hennar og barnabörn sungu jólasálma og léku undir, en það er árvisst að afkomendur djáknans annast tónlistarflutning í helgistund á aðfangadag. Á annan í jólum verður hátíðarguðsþjónusta kl. 12.45 þar sem sr. Eðvarð Ingólfsson predikar og kór Akraneskirkju syngur við undirleik Sveins Arnars Sæmundssonar. Á gamlársdag verður svo helgistund djákna kl. 11.30, en þar mun kór Saurbæjarkirkju á Hvalfjarðarströnd syngja.

Óskum öllum gleðilegra jóla og farsældar á nýju ári.

Þökkum ánægjuleg samskipti á árinu sem er að líða.

Íbúar og starfsfólk Höfða.

Í gær var haldin samkoma í Höfðasal þar sem Ingi Steinar Gunnlaugsson flutti tækifærisvísur og ljóð eftir vin sinn Kjartan H. Guðmundsson heimilismann á Höfða.

Við sama tækifæri stjórnaði Sigurður Guðmundsson fjöldasöng.

Samkoman var vel sótt og var almenn ánægja með hana.

Síðast liðinn föstudag var hið árlega jólahlaðborð fyrir íbúa, aðstandendur og starfsmenn haldið í Höfðasal.

Jólahlaðborðið var vel sótt og var almenn ánægja með það.